monumenta.ch > Hugutio Pisanus > sectio 34

Word Selection for Searching

Report an Error in this Sectio
Hugutio Pisanus, Derivationes, p16, p52, 34
Item a pulvis hic pulex -cis, quia ex pulvere nascitur vel quia magis ex pulvere nutritur; unde pulicosus -a -um, plenus et abundans pulicibus, et comparatur; unde hec pulicositas, plenitudo et abundantia pulicum, et pulicarius -a -um et hoc pulicarium et hoc pulicetum, locus ubi pulices abundant, et hec pulios, quedam herba, quia semen simile pulicibus habeat, unde et eam Latini herbam pulicariam vocant.